Tuesday, November 29
Shadow

Joel: Masaya kapag ang suki mo nandyan lagi

PHOTO BY GHERMALYNE CARANDANG / THE FLAME

 

Sapat ba ang kinikita niyo sa isang araw para matugunan ang inyong pang araw araw na pangangailangan?

“Kulang.”

Bakit po kulang?

“Kasi matumal [ang benta], at ‘saka mahal ‘yung baboy ngayon.”

Paano niyo tinutustusan ang mga pangangailangan ninyo?

“Wala lang. Lumilipas lang yung araw-araw– ‘di okay lang naman ‘yung kita. Natutustusan naman. Nag-aaral na ng college ‘yung mga anak ko,”

Sa tingin niyo, anong mga pagbabago ang dapat mangyari para mabawasan ang taas ng bilihin at matulungan tayo?

“‘Pag kinukulang tayo ng mga karne, sa ibang bansa galing ‘yung iba. Katulad niyan, frozen meat ‘yan, sa ibang bansa galing ‘yan.”

“‘Di kayang supplyan ng Pilipinas ‘yung mga ganyan. ‘Yun dapat ang [magbago] dito sa’tin. Ang supply nagkukulang kaya tumataas ang bilihin.”

Ano po ang pinakamahirap na aspeto ng trabaho ninyo?

“Mahirap [kapag] matumal [bemta]. Walang namimili. ‘Yun ang pinakamahirap.”

Ano naman po ang pinakamasaya?

“Masaya kapag ang suki mo nandyan lagi. ‘Yung araw-araw namimili, kumpleto sila lagi. [Kapag] hindi matumal, nakakaubos ng paninda.”

 

    – Joel, 45

 

INTERVIEW BY VERSY MENDOZA

 

Leave a Reply

Your email address will not be published. Required fields are marked *