salitan sa amin ng paglingap
si inang at ang araw
hirap silang mapagkasya
ng payak naming tahanan
araw-araw, nanakawin ng traysikel
ang payak naming dingding at lampara
ibabato sa dyip, sa tren, sa kalsada
para tuntungan ng panginoong Maynila
sa kanyang pag-uwi, lupaypay ang ngiti
ang hangad kong yapos, pawang sasandali
itataktak ang pagkaing munti
sa aming pinggang palaki nang palaki
gayunpaman, paminsan-minsan,
kasabay ng taglagas sa aming bakuran
gigising siyang hindi daglian
at maaabutan kong nasa higaan
sa kanyang pagbangon,
ibubukas ang telebisyon
sa harap ang lahat ay magtitipon
sa inaalikabok na naming kutson
kagaya ng dating paggunita
tumayo ang pari sa gitna
ina, narito ang iyong anak
anak, narito ang iyong ina F
